Ezaugarriak, matrikulazioa eta probak

Prestakuntza-zikloek dituzten modulu profesional bakoitzerako proba bat egingo da, Lantokiko Prestakuntzako modulurako izan ezik. Azken hori presentziazkoa izango da beti.

Proben edukiak prestakuntza-zikloetako curriculumekoak eta kasuan kasuko gaitasun-unitateetakoak izango dira.

Proben egutegiak ikastetxeetako iragarki-oholtzan jarriko dira. Eta egutegi horietan, modulu profesional bakoitzaren probaren ordua eta data azalduko dira, bai eta probaren egiturari eta edukiari buruz Ebaluazio-batzordearen ustez aipatu beharreko argibideak ere.

Izena ematen dutenei aplikagarri izango zaie indarreko legedian modulu profesionalen baliozkotzeari buruz ezarritakoa eta lantokiko prestakuntzako modulutik salbuesteari buruz ezarritakoa.

Baliozkotzeko eta/edo salbuesteko eskabideak egiteko, aldez aurretik matrikulatu beharko da kasu guztietan, eta eskabide hori matrikula formalizatzean egingo da eta honekin batera dokumentazioa aurkeztu beharko da.

Ikasturte honetarako matrikulazio epea: apirilaren 15tik 30ra arte, eta azterketak:  ekainaren 9tik 20ra arte