HEZKUNTZA IKUSKARITZAREN HIRURTEKO PLAN NAGUSIA (2005-2008) ONARTZEN DUEN SAILBURUORDEAREN EBAZPENA

2. HELBURU OROKORRAK

   Hiru Urteko Plan Nagusi honen bidez ondorengo Helburu orokorrak lortu nahi dira:

• Hezkuntza-sistema hobetzen laguntzea, araudia betetzen dela kontrolatuz, zuzendaritza-taldeei eta irakasleei aholkularitza emanez eta hezkuntza-sistema horren ebaluazioan parte hartuz, ikastetxeen kalitatea kudeatzeko sistemei, zuzendaritza-funtzioari eta irakas-funtzioari begira batez ere.
  
• Kalitatezko hezkuntza bat jasotzeko ikasleen funtsezko eskubidea bermatzea.
  
• Hezkuntza Ikuskaritzaren jardueren hartzaileen premiei eraginkortasunez erantzutea, bai barne-hartzaileenei, bai kanpo-hartzaileenei.
  
• Ikuskarien euskarazko hizkuntza-gaitasuna eta lanbide-gaitasuna sustatzea, etengabeko prestakuntzaren bidez.
  
• Ikuskaritzaren beraren premietara egokitzen den kalitatea kudeatzeko sistema batean sakontzea, ISO 9001:2000 Arauaren arabera. Bukaeran, horretarako kreditazioa duen kanpo erakunde batek sistema hori ziurtatu beharko du.