HEZKUNTZA IKUSKARITZAREN HIRURTEKO PLAN NAGUSIA (2002-2005) ONARTZEN DUEN SAILBURUORDEAREN EBAZPENA

5. IKUSKARITZAREKIN LOTUTAKO HELBURUAK

• Euskal Autonomia Erkidegoko Hezkuntza Ikuskaritzako lanpostuetara adskribatzeko Dekretua argitara ematea.
• Hezkuntza Ikuskaritza antolatu eta funtzionatzeko behar adina ebazpen argitara ematea.

5.2. PRESTAKUNTZA

   Hezkuntza Ikuskaritzaren prestakuntzak ondorengo alderdiei emango die lehentasuna:

• Kalitate- eta etengabeko hobekuntzarako programei buruzko prestakuntza.
• Ikuskaritzaren lanarekin lotutako alderdi juridiko eta administratiboetan sakontzea.
• Informatikako ikastaroetan parte hartzea.
• Biltzarretara, mintegietara,…etab.etara joatea, komunikazio eta txostenak aurkezten dituztenak batez ere.
• Garatu Planeko ikastaroetan parte hartzea.
• Egokitzat jotzen diren beste ikastaro batzuk.

   Ikuskariek bi eratan har dezakete prestakuntza-jardueretan parte:

• Erakunde-prestakuntza. Ikuskaritza Nagusitik sustatzen da, Ikuskari Nagusiaren baimenarekin eta honek jartzen dituen mugekin. Oro har, kolektibo guztian edo horren zati batean izango du eragina (ostiraletako bilkurak, etab…), zenbait kasutan ikuskariren bati prestakuntza Ikuskaritzaren intereserako jasotzera joan dadila eskatu ahal zaion arren.

Kasu guztietan, parte-hartzaileei erabat ordainduko zaizkie sortzen zaizkien gastuak, zerbitzuaren kalte-ordainak direla-eta indarreko legeriaren edo kasu batzuetarako zehazten diren legeria espezifikoen arabera

• Prestakuntza pertsonala. Ikuskariei baimena eman ahal izango zaie biltzar, ikastaro, mintegi, sinposium, topaketa, lehiaketa, hitzaldi, bilera, jardunaldi eta izaera zientifiko, tekniko, profesional, elkargo-mota, elkartze-mota edo sindikaleko gainontzeko gertakari kolektiboetara joateko, zerbitzuaren beharren arabera eta Ikuskaritzako Lurraldeburuak, Zonaldeburuaren oniritziarekin, aldez aurretik baimena eman ondoren.

   Ondorengo muga orokorrak jarriko dira prestakuntza-jardueretan parte hartzeko:

• Araba: 2 ikuskari
• Bizkaia: 9 ikuskari (3 Bilbotik eta 2 gainontzeko zonalde bakoitzetik).
• Gipuzkoa: 5 ikuskari (1 Eibartik eta 2 gainontzeko zonalde bakoitzetik).

   Zonalderen batek dagokion lanpostua betetzen ez duenean, lurraldeko beste ikuskari batek bete ahal izango du lanpostu huts hori.

   Baimen hori ordainduko da, bost eguneko mugarekin ikasturte bakoitzerako. Muga hori gainditzen denean, ez da ordainduko. Ez du inolako ordainsaririk jasotzeko eskubiderik emango, ezta dietak, bidai-gastuak, egonaldia edo izena ematea ere, interesatuaren kontura izango dira eta. Geroago, irakasleentzako deialdi arruntetan gastu horiek ordaintzeko eskatu ahal izango du (banakako dirulaguntzen deialdia).

   Kasu guztietan, egindako jarduera azaltzen duen banakako memoria aurkeztu beharko zaie Lurralde Burutzei, baimena ordainsaria jasotzeko eskubiderik gabe eskatu denean izan ezik.

   B eta D ereduak hiru lurraldeetako ikastetxeetan gorantz doazela eta euskara komunikaziorako tresna gisa ikastetxeetan gero eta gehiago erabiltzen dela kontuan hartuta, ondorengo helburuak planteatzen dira datozen hiru ikasturteetarako:

• Inolako hizkuntz eskakizunik ez duten ikuskariek ahozko eta idatzizko euskara hobeto ulertzea.
• Ikuskarien Kidegoko gero eta ikuskari gehiagok HE2 egiaztatzea.
• Euskararen erabilpena sakondu eta hobetzea, idatzizkoa batez ere, HE2 egiaztatu arren zailtasunak dituztenentzat batez ere.
• Euskara gero eta gehiago erabiltzea, nahiz barne komunikazio eta txostenetan, nahiz, batez ere, ikastetxeekiko harremanetan.

   Helburu horiek lortzeko, IRALE programaren aukera guztiak erabiliko dira. Gainera, beste jarduera batzuk ere aztertuko dira, Hezkuntza Berriztapenerako Zuzendaritzako Euskara Zerbitzuarekin batera.