Informazio orokorra

     Euskarazko ikasmaterialen katalogo digitala duzu hemen. Azken urteotan argitaratutako oinarrizko materialen eta material osagarrien informazioa dago bertan. Katalogoa ez da itxia edo bukatua, eta, beraz, osatzen jarraitzen dugu; osatu, bai aldian-aldian argitaratzen diren materialak erregistratuz, bai material "zaharren" katalogazioa eginez.

      Katalogoan mota askotako materialak aurkituko dituzu, hala nola:

• Ikasliburuak, gidaliburuak, lan-koadernoak, ariketa-koadernoak...
• Oinarrizko irakurgaiak.
• Haur eta gazteentzako literatura.
• Kontsulta liburuak, monografiak, irakasleen prestakuntzarako materialak...
• Hiztegiak, atlasak, mapak, horma-irudiak...
• Ikus-entzunezko ikasmaterialak, hezkuntza-softwarea, hezkuntza-jolasak... 

Hauek dira katalogoaren helburuak:

• Ikastetxeei, irakasleei eta ikasleei euskarazko ikasmaterialen berri ematea, modu erraz eta eraginkor batez.
  
  
• Material horiek guztiak antolatu, sailkatu, gorde eta kontsultarako eskaintzea.
  
  
• Argitalpen berriei buruz informatu, irakurketa edo kontsulta gidak eskaini eta, oro har, ekoizpen berrien informazio dinamiko eta erakargarria plazaratzea.