Lanbide-Heziketako Kalitatea eta Gaitasuna Ebaluatzeko Euskal Agentziaren sorrera

Lanbide-Heziketaren Euskal Planak V. idazpuruan dio beharrezkoa dela Lanbide-Heziketako Kalitatea eta Gaitasuna Ebaluatzeko Euskal Agentzia sortzea, hori izango baita Lanbide-Heziketako sistema ebaluatuko duen organoa.

Agentzia 62/2001 Dekretuaren bidez sortu zen (2001eko apirilaren 3ko EHAA).

Ondorengo hauek dira Euskal Agentziaren helburuak:

• Lanbide-Heziketaren kalitatea sustatzea eta ebaluatzea, eta horretarako, kalitatea ziurtatzeko, ebaluatzeko eta kontrolatzeko sistemak, prozesuak eta metodoak definitu eta/edo ezartzea.
• Biztanleria aktiboaren –landuna zein lanik ez duena– lanbide-gaitasunak ebaluatzeko bitartekoak garatzea, eta, aldi berean, ebaluazio horren kalitatea egiaztatzea.
• Pertsonen gaitasunen ziurtagiri ofiziala eta bakoitzaren lorpen profesionalak erregistratzea.